Welkom by die Sentraal-streek waar ons bou aan die toekoms en drome van Centurion, Midrand, Midstream en gedeeltes van Pretoria-Wes.
Ons is dalk nie geografies die grootste streek nie, maar ons spog met 'n paar sterk takke en passievolle vrywilligers.
Ons fokus saam met die groter Solidariteit Helpende Hand op die opvoeding, opleiding en ontwikkeling van kinders, bejaardes, persone met gestremdhede en gesinne in nood. Ons glo om 'n volhoubare toekoms vir ons medemens te skep, moet ons individue bemagtig om hulle volle potensiaal te bereik. Dit doen ons deur middel van ondersteuning aan skole, tehuise en studiefondse. Ons ondersteun en bemagtig die gemeenskappe in ons streek met projekte soos leierskapsprogramme, Seniors in Aksie, HelpHetta en vele ander van Solidariteit Helpende Hand se nasionale projekte.